లలిత::రాగం

పల్లవి::

అరసినన్ను గాచినాతనికి శరణు
పరము నిహము నేలే పతికిని శరణు

చరణం:: 1

వేదములు దెచ్చినట్టివిభునికి శరణు
ఆదిమూలమంటే వచ్చినతనికి శరణు
యేదెసా తానైయున్న యీతనికి శరణు
శ్రీదేవి మగడైన శ్రీపతికి శరణు

చరణం:: 2

అందరికి ప్రాణమైన ఆతనికి శరణు
ముందు మూడు మూర్తుల మూర్తికి శరణు
దిందుపడి దేవతల దేవుడికి శరణు
అంది మిన్ను నేలనేకమైనతనికి శరణు

చరణం:: 3

తానే చైతన్యమైన దైవానకు శరణు
నానా బ్రహ్మాండాలనాథునికి శరణు
ఆనుక శ్రీవేంకటాద్రి యందునుండి వరములు 
దీనుల కిందరి కిచ్చే దేవునికి శరణు

Raagam::Lalitha

:::

arasinannu gAchinAtaniki SaraNu
paramu nihamu nElE patikini SaraNu

:::1

vEdamulu dechchinaTTivibhuniki SaraNu
AdimUlamaMTE vachchinataniki SaraNu
yEdesA tAnaiyunna yItaniki SaraNu
SrIdEvi magaDaina SrIpatiki Saranu

:::2

aMdariki prANamaina Ataniki SaraNu
muMdu mUDu mUrtula mUrtiki SaraNu
diMdupaDi dEvatala dEvuDiki SaraNu
aMdi minnu nElanEkamainataniki SaraNu

:::3

tAnE chaitanyamaina daivAnaku SaraNu
nAnA brahmAMDAlanAthuniki SaraNu
Anuka SrIvEMkaTAdri yaMdunuMDi varamulu 
dInula kiMdari kichchE dEvuniki SaraNu